Grode gruine vegen vaarf
Striek ik op de planken
Het dat nog wel zin?
Boudel stört mit n dikke beven toch in.
Aal striekend denk ik
Der komt nog hail wat op ons òf
n lichtgewicht schösstain mit dubbelwandege piep
t dichten van de scheuren
t verstaarken van ons hoes
Binnen wie nog wel boas over ons aigen thoes?
t Gerommel rondom t Zaandt
Is al n beste zet leden
Wanneer zel grond bie ons weer goan beven?
Volgens de geleerden duurt dat nait meer slim laank
Toch blief ik mor vaarven, plaank veur plaank
t Hoes schiert ter wel van op
Mor toch schut mie regelmoateg deur de kop
Wanneer kinnen we hier weer echt vaileg wonen en leven?
Zunder aal te denken, wanneer komt dij haile dikke beven?
